طالبان صناعت و تجارت وزیرلیگی بوگون یکشنبه ۱۹ – دلو بیر بیانات نشر قیلیب، اۉزبېکستانلیک بیر هیات کابلگه سفر قیلگنیدن خبر بېردی.
بو حقده نشر اېتیلگن بیاناتگه کۉره، اۉزبېکستان جمهور باشلیغینینگ مصلحتچیلریدن و مرکزی آسیا خلقارا انستیتوتینینگ باشلیغی جولان وهابوف باشچیلیگیدهگی بو هیات طالبان صناعت و تجارت وزیرینینگ اۉرین باسری احمدالله زاهد بیلن اوچرهشگن.
اوچرهشووده ایکّی تامانلمه سوداگرلیک حقیده فکر المشتیریلگنی قید اېتیلگن طالبان صناعت و تجارت وزیرلیگی بیاناتیده.
شونینگدېک طالبان صناعت و سودا وزیرلیگینینگ اۉرین باسری، اۉزبېکستان و افغانستان اۉرتهسیدهگی سوداگرلیک فرصتلردن اېسلب، ایکّی تامانلمه تجارت و همکارلیکلر کۉپهیشینی اورغولهگن.
شونینگدېک طالبان صناعت و تجارت وزیرلیگی بیاناتیگه کۉره، اۉزبېکستان جمهور باشلیغینینگ مصلحتچیلریدن جولان وهابوف هم افغانستان و اۉزبېکستان اۉرتهسیده تجارت حجمی ۱.۶ میلیاردگه کۉتریلگنیدن اېسلب بو رقم ۲ دالرگه باریشینی تاکیدلگن.
ایتیش کېرهک که اۉزبېکستان حکومتی، طالبان حاکمیتیده بۉلگن افغانستان بیلن تجارت و اقتصادی علاقهلرینی آشیریشگه اورینماقده.
