هرات ولایتی خوفسیزلیک رسمیلرینینگ ایتیشیچه، اۉتکن بیر هفته جریانیده بیر مینگ و ۷۵۵ کیشی قاچاق شکلده ایران باریشی آلدی آلینگن.
رسمیلرنینگ تاکیدلشیچه، بو کیشیلر هرات چېگرهسی آرقهلی قاچاق شکلیده ایران تامان باریشگه قصد قیلگنلر، بیراق ۲۰۷ الفاروق قول اردوسی تامانیدن یۉلگه قۉییلگن حربی عملیاتلرده هرات ولایتینینگ غوریان و کهسان اولسواللیکلریدن اوشلنگنلر.
شونینگدېک، قۉلگه آلینگن کیشیلر تېکشیریلگنلریدن سۉنگ اۉز منطقهلریگه قیتریب یوباریلگنینی معلوم قیلدی هرات ولایتینینگ خوفسیزلیک رسمیلری.
دېمک، سۉنگی ییللرده هرات و نیمروز ولایتینینگ چېگرهلری قاچقینلرنی غیر قانونی شکلده ایران تۉپراغی اۉتیشی اوچون اېنگ خواطرلی یۉل لردن سنهلیب، کۉپلب یاشلر بو یۉل آرقهلی ایران تامان غیر قانونی شکلده باریش اوچون تورلی مشقتلرنی باشدن کېچیرهدیلر.
باشقه تاماندن، افغانستانده ایشسیزلیک، قشاقلیک کون اۉتیشی بیلن یوقاری سطحگه باریشی و باشقه ایریم چېکلاولر و قیینچیلیکلر باعث کونیده اۉنلب افغانستانلیک یاشلر اولکهنی ترک اېتیب تشقی اولکهلر تامان یۉل آلماقدهلر.
