سببی حضرت، فارس تیلینی قنچهلر مکمل بیلسهلر اۉز اعترافلری بۉییچه: «فارس الفاظین کیشی مېندین کۉپراک بیلمهیدور» عرب تیلینی هم شو قدَر برکمال اېگهللهگنلر و اولرنی تۉله استفاده اېته آلگنلر. تورکی تیلنینگ اېسه بوتون نزاکتینی، سۉزگه بایلیگینی «محاکمه اللغتین»دهگینه اېمس، بوتون عمر، بوتون ایجاد جریانیده نمایان قیلگنلر. اۉزبېکنینگ سادّه، تۉپاری سۉزلرینی هم، شعرگه سالیش ممکن بۉلمهگن درجهده عادی و جۉن گپلرنی هم نازک غزلگه کیریته آلگنلرکه، بونداق سِحردن لال بۉلمهی علاج یۉق.
سحر هاور شهی چرخ اوزرهکیم خیلی حشم چېکدی،
شعای خط بیله کۉهسار اوزه آلتون الم چېکدی.
شوندهی یوکسک اسلوبده یازیلگن غزلگه «سوپورگی» دېگن سۉزنی کیریتیب بۉلهدیمی؟ مطلقا ممکن اېمس، دېیسیز. اېندی شعرنینگ دوامنی اۉقینگ:
قضا فرّاشی سوندی چرخنینگ سيمین سوپورگوسین،
موزهیین پرلری انداق که، طاووسی حرَم چېکدی.
عجبا، بویوک استعداد نفسی تېگسه اۉزبېکنینگ قاره یېرده یاتگن سوپورگیسی هم آسمانگه کۉتریلیب، قویاشنینگ ترم-ترم شعلهسیگه ایلنر اېکن.
یاکه «تیش قیرچیللهتیش» عبارهسینی بوگونگی شاعرلریمیز عروضی بَیت او یاقده تورسین، حتا خلقانه سادّه برماق وزنیده ایتیشنی اۉزلریگه اېپ کۉرمهیدیلر. نوایيگه قولاق توتینگ:
توشده کۉردیم یارنی، شادان رقیبیم اۉتروده،
رشکدین هر لحظه تیش قیرچیللهتورمن اویقوده.
بوندهی خلق عبارهلری، لپرلری، مقاللرینی «خزایین المعآنی»ده کۉپلب اوچرهتهمیز و هر گل بو خیل جۉن سۉزلر تگیده یاتگن معنالردن، بدیعیاتدن حیرتگه توشهمیز.
اېرکین واحداوفنینگ “سۉز لطافتی” کتابیدن آلیندی
