طالباننینگ فاریاب ولایتیدهگی امنیه قومندانلیگینینگ تصدیقلشیچه بو ولایتده بیر کیشی قورال سقلش عیبلاوی بیلن حبسگه آلینگن.
طالبان بو شخصنی پشتونکوت اولسواللیگینینگ «موقانی» قیشلاغیدن حبسگه آلگن.
بو حقده نشر اېتیلگن معلوماتگه کۉره، مذکور شخص اۉتگن کېچه ساعت ۱۰:۰۰ اطرافیده طالبان حربیلری بیلن دوچ کېلیب، حبسگه آلینهدی.
طالبان بو شخص آلدیدن، بیرته تفنگچه ینه بیر قنچه شاژور و اۉق تاپیلگنینی معلوم قیلدی.
عینی حالده محلی منبعلر معلوماتیگه کۉره، طالبان یقینده فاریاب ولایتیده بیر قنچه هاوان اۉقینی هم تاپیب آلگن.
ایتیش کېرهک که بوندن ایلگری هم طالبان فاریاب ولایتیده، بیر قنچه آدملرنی قورال سقلش عیبلاوی بیلن توتقینگه آلگن اېدی.
