بیرلشگن ملتلر تشکیلاتی خوفسیزلیک کینگشینینگ تحریملرنی نظارت قیلیش کمیتهسی ینگیدن ترقتگن گزارشیده، هند شبه جزیرهسیدهگی القاعده شاخهسی اسامه محمود و اونینگ اۉرین باسری یحیی غوری کابلده حضوری بۉلگنینی معلوم قیلگن.
بو تشکیلاتنینگ گزارشیگه کۉره، القاعده بو شاخهسینینگ اخبارات بۉلیمی افغانستان غربیدهگی هرات ولایتیده جایلشکن.
اوشبو تشکیلات نینگ گزارشلریده کېلیشیچه، القاعدهنینگ بو شاخهسی حقانیلر نفوذی کۉپ بۉلگن افغانستان جنوب شرقیده فعالیتلریگه دوام اېتدیرماقده.
طالبان افغانستان گه حاکم بولگنیدن سۉنگ، بیرلشگن ملتلر تشکیلاتی بو اولکهده القاعده حضوری و فعالیتیدن گزارش بېرگن.
باشقه تاماندن، امریکا قۉشمه ایالاتی ۲۰۲۲- ییل جولای آییده هوا هجوم آرقهلی القاعده سابق رهبری ایمنالظواهرینی کابل شهرینینگ وزیر اکبرخان منطقهسیده اۉلدیرگنینی ایتگن اېدی.
