طالبلر تشقی ایشلر وزیرلیگی تامانیدن نشر اېتیلگن بیاناتگه کۉره، بو حاکمیت تشقی ایشلر وزیری امیرخان متقی، طالبان تاجکستان بیلن مناسبتلرینی کېنگهیتیریش آرتیدن دېب اعلام قیلگن.
طالبان تشقی ایشلر وزیرلیگی بو مسالهنی کابلده تاجکستان اېلچیسی سعدی شریفی بیلن اۉتکزگن اوچرهشوویده تیلگه آلگن.
شونینگدېک طالبان تشقی ایشلر وزیرلیگی بیاناتیده، ایکّی تامانلمه همکارلیکلر اینیقسه اقتصادی، چېگره خوفسیزلیک و باشقه ساحهلردهگی همکارلیکلر خصوصیده فکر المشتیرگنینی هم معلوم قیلگن.
امیرخان متقی، افغانستان و تاجکستان اۉرتهسیده مناسبتلری یخشیلنیشی اوچون شرایط یرهتیلگنینی ادعا قیلیب، بو مناسبتلر کېنگهیشی کېرهک دېب تاکیدلگن.
بو اوچرهشوو شوندهی بیرحالده اۉتکزیلگن، سۉنگگی وقتلرده افغانستان و تاجکستان چېگرهسی جدی ناتینچلیکلرگه گواه بۉلگن اېدی.
بوندن ایلگری تاجکستان حکومتی، چېگره خوفسیزلیگی اوچون طالبان بیلن همکارلیک قیلیشده تیار اېکنینی هم معلوم قیلگن اېدی.
