جمعی خوفسیزلیک کېلیشوو تشکیلاتینینگ قوشمه کوچلری باشلیغی آندری سردیکوف، افغانستانده ترورچیلیک گروهلر حضوری بارلیگینی تاکیدلب، بو خصوصده خواطر بیلدیرگن.
سردیکوف بو مسالهنی پنجشنبه کونی ۲۳ – دلو، اۉتکزگن خبری ییغینیده تیلگه آلگن.
اونگه کۉره، حاضر هم افغانستانده ترورچی گروهلر حضوری بار و اولر باشقه مملکتلر اوچون ترورچیلیک خواطرلرنی یرهتگن.
جمعی خوفسیزلیک کېلیشووی تشکیلاتینینگ بو ییریک حربی رسمیسی نینگ تاکیدلشیچه، افغانستانده حضوری بۉلگن ترورچی گروهلر افغانستاننینگ قوشنی مملکتلری بۉلمیش اۉرته آسیا مملکتلریگه تهدید یرهتگن.
ایتیش کېرهک که کۉپینچه اعضالری طالبان بیلن یخشی مناسبتده بۉلگن اوشبو تشکیلات بوندن ایلگری هم بو خصوصده خواطر بیلدیریب کېلگن.
طالبان هم حاضرگچه بو خصوصده بۉلگن خواطرلرنی رد اېتیب کېلماقده دیر.
