طالبان بیرلشگن ملتلر تشکیلاتی خوفسیزلیک کېنگشینینگ بو حاکمیتگه قرشی تحریملر دوام اېتیشی خصوصیدهگی قراریگه نسبتن مناسبت بیلدیریب، اوشبو قرارگه قرشیلیک بیلدیردی.
طالبان سۉزلاوچیسی ذبیح الله مجاهد ژورنالیستلر بیلن شریک اېتیلگن سېسلی بیاناتیده، بو خصوصده اۉز مناسبتنی اعلام قیلگن.
طالبان سۉزلاوچیسی، بو حاکمیتگه قرشی تحریملر ایلگری هم نتیجه بېرمهگن دېب، حاضر هم بوندهی قرارلردن واز کېچیلیشی کېرهک دېگن.
شونینگدېک طالبان سۉزلاوچیسی، بیرلشگن ملتلر تشکیلاتی خوفسیزلیک کېنگشی ییغینیدهگی چین و روسیه وکیللری بیاناتلرینی آلقیشلب، غربی مملکتلردن هم بو حاکمیت بیلن مناسبت قوریشلرینی سۉرهگن.
طالبان شوندهی بیرحالده بو طلبنی تیلگه آلماقده دیر که بو حاکمیت، تۉرت ییلدن آرتیق زمان بۉلهدی که افغانستان حاکمیتیگه قیتگن بیراق شونچه وقت ایچیده انسان حقلری و کېنگ قمراولی حکومت کبی ساحهلرده دنیا طلبلریگه تَن بېرگن اېمس.
