بوگون فبروی آیینینگ ۱۴ – سی دنیا تاریخی اینقسه تورکی خلقلر تاریخی ییریک سیمالریدن بیری شاه و شاعر حضرت ظهیرالدین محمدبابر توغیلگنی کونی بیلن تینگ دیر.
تاریخیمیزنینگ اوشبو ییریک سیماسی و بابریلر سلالهسینینگ اساسچیسی حضرت ظهیرالدین محمدبابر بوندن ۵۴۳ ییل ایلگری یعنی میلادی ۱۴۸۳ – نچی ییل حاضرگی اۉزبېکستاننینگ اندیجان ولایتیده دنیاگه کېلگن.
دنیا تاریخی و شرق مدنیتینینگ پارلاق یولدوزی ظهیرالدین محمد بابر، کیچیک یاشیده فرغانهده حاکمیت تاجینی قۉلگه کېلتیریب، کیین اېسه حاضرگی هندوستان، پاکستان، بنگلادیش و افغانستاننی اۉز ایچیده آلگن ییریک بیر حدودده بویوک امپراتورلیک قورهدی و بو سلطنت اوزاق ییللر دوام اېتهدی.
ظهیرالدین محمدبابر اساس سالنگن سلطنت، اۉز حدودلریده کینگ عدالتنی اۉرنهتیلیب و یخشی حکومتدارلیگی بیلن اېسلنیب کېلماقده دیر.
بوندن تشقری ظهیرالدین محمدبابر اۉزبېک تیلی و ادبیاتینینگ ییریک شاعر بۉلیب، اونینگ اۉزبیک تیلیده یرهتگن ایجادلری تیلیمیز کوچلی سقلنیشی سببلریدن بیری دیر.
شونینگدېک ظهیرالدین محمدبابر، اۉزیدن «بابر نامه» کتابنی قالدیریب، سیاست، بیلیم، مدنیت و جغرافیه ساحهلریده بویوک بیر منبع و میراث قالدیرهدی.
