آزادلیک جبههسی بوگون شنبه ۲۵ – دلو بیر بیانات نشر قیلیب، بدخشان ولایتیده طالبانگه قرشی هجوم اویوشتیریلگنیدن خبر بېردی.
مذکور جبهه نشر قیلگن بیاناتیده ادعا قیلیشیچه، بدخشان ولایتی بهارک تومنیده اویوشتیریلگن بو هجوم نتیجهسیده طالبان ایکّی جنگریسی اۉلیب و ینه بیرتهسی هم یرهلنگن.
آزادلیک جبههسی بو هجوم، طالباننینگ بدخشان ولایتی، بهارک اولسواللیگینینگ قلاتک منطقهسیده جایلشگن چېگره کوچلری ۲۱۹ -نچی فرقهسینینگ کیریش دروازهسیده اویوشتیرگنینی معلوم قیلدی.
دیمک اۉتگن آقشام بیر قنچه یېتکیرمهلر بدخشان ولایتیدهگی محلی منبعلر معلوماتیگه اساسلب، بهارک اولسواللیگیده پارتلش یوز بېرگنینی خبر قیلگن اېدیلر.
طالبان حاضرگچه بو هجوم خصوصیده هیچ قندهی مناسبت بیلدیرگن اېمس.
شونینگدېک طالبان، آزادلیک جبههسی تامانیدن ادعا اېتیلگن هجوملردن کۉپینچهسینی حاضرگچه تصدیقلهگن اېمس و بو جبههنینگ هجومی بارهسیدهگی ادعالرینی جوابسیز قالدیریب کېلماقده دیر.
