ایران و امریکا نمایندهلری اۉرتهسیدهگی نوبتدهگی مذاکره کېلهسی سهشنبه کونی سویسده اۉتکزیلیشی ریجهلشتیریلگنی اَیتیلگن بیرحالده، امریکا حربیلری ایرانگه قرشی هجوم اویوشتیریشی ممکنلیگی هم خبر قیلینماقده.
رویترز اخبارات آژانسی امریکانینگ کمیده ایکّی رسمیسیگه اساسلب خبر بېریشیچه، بو مملکت حربیلری ایرانگه قرشی بیر نېچه هفتهلیک هجوم اوچون تیارگرلیک کۉرماقده.
بیراق اوشبو هجوم انیق قچان و قندهی عملگه آشیریلیشی بېللی اېمس.
شونینگدېک گزارشده، امریکانینگ بو هجومیده ایران هستهای قورال مرکزلری همده دولتی و خوفسیزلیک ادارهلری نشان آلینیشی ممکنلیگی هم قید اېتیلگن.
ایتیش کېرهک که امریکا جمهور باشلیغی دونالد ترامپ هم یقینده ینه بیربار ایرانگه قرشی جدی تهدیدلرنی تیلگه آلدی.
امریکا جمهور باشلیغی ایران حکومتی یاندهشوولرینی تنقید قیلیب وضعیت اۉزگریشی کېرهک دېب دېگن..
