بیرلشگن ملتلر تشکیلاتینینگ اوی-جای دستوری بیر بیانات نشر قیلیب، افغانستانده ۴.۲ میلیون انسان باشپناهگه محتاج اېکنیدن خبر بېردی.
اوشبو تشکیلات تامانیدن نشر اېتیلگن بیاناتده، بو شخصلر آغیر شرایطده بۉلگنی باعث اولرگه آزیق-آوقتدن تشقری یاردملر هم یېتکزیلیشی کېرهک دیر.
بیرلشگن ملتلر تشکیلاتی بو ادارهسی، افغانستانده محتاج بو شخصلر کېلهجگی اوچون باشپناه بیرینچی ضرورت دېب، بو وضعیتگه یېتیشیش تېزلیک بیلن بجریلیشی کېرهکلیگینی تاکیدلگن.
ایتیش کېرهک که افغانستانده یوز بېرگن اخیرگی سوو تاشقینلری و زلزلهلر کۉپلب اویلرنی ویران قیلیب، مینگلب عایلهنی باشپناهسیز قیلگن.
بونگه قۉشیمچه، چېتاېلدن چیقریب افغانستانگه قیتریلگن مهاجرلر هم باشپناهسی یۉقلیگی حقیده خبرلر نشر اېتیلگن.
بوندن ایلگری، افغانستاننینگ شمالی حدودلری اینیقسه سمنگان و بلخ ولایتلریده زلزله عاقبتیده اویلری زیان کۉرگن عایلهلر، قیش موسومیده باشپناهسیز قالگنلریدن خواطر بیلدیرگن اېدی.
زلزلهدن کېین آغیر شرایطده قالگن اوشبو اهالی، تېگیشلی ادارهلر توجه قرهتمهگنیدن هم شکایت قیلگن.
