یمنده دوام اېتیب تورگن قرمه-قرشیلیکلر دوامیده، سعودی عربستان حربی کوچلری بو مملکتدهگی ییریک و استراتیژیک حربی قرارگاهلردن بیرینی اېگهلگنی حقیده خبر قیلیندی.
بو حقده نشر اېتیلگن خبرلرگه کۉره، سعودی عربستان حربیلری تامانیدن باسیب آلینگن قرارگاه یمننینگ شبوه ولایتیده جایلشگن بۉلیب و بو مملکتنینگ ایککینچی مهم حربی قرارگاهی حسابلنیب کېلگن.
شونینگدېک تیل کانلریگه بای شبوه ولایتی هم یمننینگ مهم بۉلیملریدن بیری حسابلنهدی.
سعودی عربستان بو حربی مرکز، یمندهگی اَییرمهچیلیک کوچلری قۉلیدن باسیب آلگن.
ایتیش کېرهک که یمنده، کېلیشماوچیلیکلر سعودی عربستان و بیرلشگن عرب امیرلیکلری مملکتلری تامانیدن قوللب-قوتلنگن گروهلر اۉرتهسیده جدیلشگن.
دېمک یمن احوالی سعودی عربستان و بیرلشگن عرب امیرلیکلری اۉرتهسیده هم کېلیشماوچیلیکلرگه سبب بۉلگن.
