خلقارا یېتکیرمهلر تامانیدن نشر اېتیلگن خبرلرگه کۉره، اسراییل حربیلری لبناننینگ جنوبی حدودلریده ینگی هجوملرنی اویوشتیرگن.
بو حقده نشر اېتیلگن خبرلرنی بیلدیریشیچه، اوشبو هجوملر بوگون یکشنبه ۲۶ – دلو عملگه آشیریلگن.
هجومده لبناننینگ حزبالله حزبی نشانگه آلینگنی معلوم قیلینگن.
حاضرگچه بو هجوم نتیجهسیده اۉرتهگه کېلگن قربانلر و زیانلر حقیده تۉلیق تفصیلات بېریلگن اېمس.
ایتیش کېرهک که اسراییل ایران بیلن یقین بۉلگن حزبالله گه قرشی ییریک هجوملرنی عملگه آشیریب کېلماقده.
اسراییلنینگ بو هجوملری همده حرکتلر نتیجهسیده اخیرگی بیر ییل ایچیده حزبالله نینگ ییریک سیمالری اۉلدیریلدی.
شونی هم ایتیش کېرهک که اسراییلنینگ یقین شرق مملکتلریدهگی حرکتلر، کۉپلب تنقیدلرگه سبب بۉلیب بو حرکتلر دوامی منطقه تینچلیگی زیانیگه دېب بیلدیریلماقده.
