امریکا قوشمه ایالتلری و ایران اسلامی جمهوریتی وکیللری اۉرتهسیدهگی مذاکرهلرنینگ نوبتدهگی دوری اۉتکزیلیشی مقصدیده ایران تشقی ایشلر وزیری سیدعباس عراقچی سویسنینگ جینوا شهریگه جونهب کېتگنی خبر قیلیندی.
بو حقده نشر اېتیلگن خبرلرگه کۉره، عراقچی دیپلوماتیک بیر هیات باشچیلیگیده جینواگه سفر قیلگن.
ایتیلیشیچه ایران و امریکا وکیللرینینگ نوبتدهگی مذاکرهسی اېرته سهشنبه کونی ۲۸ – دلو، سویس و عمان تشقی ایشلر وزیرلری حضوریده جینوا شهریده اۉتکزیلهدی.
بو مذاکره شوندی بیرحالده دیر که ایرانگه قرشی امریکا تهدیدلری سونگی وقتلر ایچیده جدیلشگن.
یقینده رویترز اخبارات آژانسی امریکا رسمیلریدن نقل قیلیب، بو مملکت حربیلری ایرانگه قرشی هجوم اوچون تیارگرلیک کۉرهیاتگنینی معلوم قیلگن اېدی.
