طالبلرنینگ «معیار و کیفیت ادارهسی»۲۴.۵۳ تُن آغیرلیکدهگی صفتسیز قیر یوکینی تورکمنستانگه قَیتریب یوبارگنینی معلوم قیلدی.
اوشبو اداره بوگون (دوشنبه،۲۷ دلو) مذکور یوک هراتدهگی تورغوندی بندرگاهی آرقهلی قَیتریلگنینی بیلدیردی.
«معیار و کیفیت ادارهسی» نینگ ایتیشیچه، اوشبو یوک صفتنی انیقلش و نظارت قیلیش جریانیده تخنیکي بهالشدن اۉتکزیلگن و ضرور معیارلرگه رعایه قیلینمهگنی سببلی مملکت بازارلریگه کیریشگه رخصت بېریلمهگن.
ادارهنینگ قۉشیمچه قیلیب ایتیشیچه، « وارد قیلینهدیگن محصولاتلرنی معیارلشتیریش و صفت نظارتیدن اۉتکزیش جریانی مملکتنینگ برچه بندرگاهلریده شفّاف، ترتیبلی و قطعي طرزده دوام اېتماقده همده صفتسیز، معیارگه ماس کېلمهیدیگن و اهالینینگ سلامتلیگیگه ضررلی محصولاتلرنینگ کیریب کېلیشیگه نسبتاً هېچ قندهی یان بېریش بۉلمهیدی»
«معیار و کیفیت ادارهسی» سوداگر و وارد قیلووچیلردن محصولاتلرنی آلیب کیریشدن اوّل ایچکی معیارلرگه عمل قیلیشنی و ساغلام همده صفتلی بازارنی تأمینلشده همکارلیک قیلیشنی سۉرهدی.
اوّلراق هم «طالبان» معیارلرگه ماس کېلمهگنی سببلی اَیریم تجارت یوکلرینی ایران و مرکزي آسیانینگ باشقه دولتلریگه قَیتریب یوبارگن اېدی.
