بیرلشگن ملتلر تشکیلاتینینگ ترقیات دستوری یا ده «یواندیپی»، افغانستان اقتصادیاتی رواجلنیشی اوچون عیاللر حصهسی اهمیتنی تاکیدلدی.
بو تشکیلات تامانیدن نشر اېتیلگن بیاناتده، افغانستانده عیاللر اولر برابریده بۉلگن کینگ چیکلاولرگه تَن بېرمهی ایش امکانیتلرینی یرهتیش و بو بیلن عایله اقتصادیگه حصه قوشیش اوچون اورینیب تورگنلری بیلدیریلگن.
شونینگدېک بیرلشگن ملتلر تشکیلاتینینگ اوشبو ادارهسی، عیاللرنینگ بو کبی فعالیتلریدن حمایه اېتیشینی هم معلوم قیلگن.
عینی حالده بیرلشگن ملتلرت شکیلاتینینگ ترقیات دستوری، اقتصادی ساحهلرده عیاللر اشتراکی عایلهلر اقتصادینی یخشیلنتیریب، مملکت اقتصادی رواجلنیشی اوچون اونملی دېب بیلدیرگن.
ایتیش کېرهک که طالبان حاکمیتگه کېلگندن بیری عیاللرنینگ باشقه کۉپلب ساحهلر کبی ایش ساحهسیده هم جدی چیکلاولر یرهتیلگن.
معلوماتلرگه کۉره، عیاللر برابریده چیکلاولر یرهتیلیشی افغانستان اقتصادی اوچون کتته زیان آلیب کېلگن.
