پروگرام، تورکسوی تشکیلاتی بیلن تورکستان ایللری اوقوو کلتور و یاردملشمه اویوشمهسی همده اۉز تورکستان اویوشمهلری ایش بیرلیگیده بۉلیب اۉتگن
تورکیهنینگ پایتختی انقره شهریده، «جنوبی تورکستان کلتور کونی» عنوانی آستیدهگی طنطنهلی و شانلی احتفال بوگون (سه شنبه ۲۸) تورکسوی مرکزی بناسینینگ سالونیده بۉلیب اۉتدی.
اوشبو احتفال تورکیهده یشاوچی خلقیمیزنینگ هنرمندچیلیک قۉل صنعتلری کۉرگزمهسی هم بۉلیب اۉتدی.
بو احتفالده، افغانستان تورکلریگه قوشیمچه تورکی دولتلر تشکیلاتیدن یوقاری لوازملی مهمانلر جملهدن اۉزبیکستان، آذربایجان، قزاقستان، قیرغیزستان، تورکمنستان و شمالی قبرس تورک جمهوریتی کلتور اتشهلری، ملیتچی حرکت حزبینینگ تورکیه پارلمانی اعضاسی و کادمیسین پروفیسور دوکتور روحی ایرسوی و اینقسه تورکسوی تشکیلاتینینگ باشلیغی سلطان راییف، تورکیهلیک فعاللر، بیلیم یورت اۉقیتووچیلری، تورک دنیاسیدن تورکیهده فعالیت قیلهدیگن اویوشمهلر نمایندهلری اشتراک قیلیب افغانستان تورکلری حقیده سۉزلهدیلر.
احتفالنی یقیندن کوزهتگن اۉزبېک تیوی منبعسینینگ ایتیشیچه، تورکسوی تشکیلاتینینگ باشلیغی سلطان راییف اۉز صحبتلریده افغانستان تورکلری و اولرگه نسبتن اعتبارلر قرهتگنینی معلوم قیلگن.
شونینگدېک احتفالده احمدچیویت بیلیم یورتینینگ باشلیغی پروفیسور دوکتور روحی ایرسوی و باشقه فعاللر نطق سۉزلب، جنوبی تورکستان خلقی حقیده فکر بیلدیرگنلر.
عینی حالده احتفالده، افغانستان سابق سنا کېنگشینینگ کاتبی و دوستم وقفینینگ باشلیغی راحله دوستم، تورکستان ایللری انجمنینینگ باشلیغی هاشم همدم، اۉز-تورکستان انجمنینینگ باشلیغی عبدالرحیم معصومی، تاشکینت بیلیم یورتی اوقیتووچیسی دوکتور عزیزالله آرال و یاش بیلیملی فعاللردن دوکتور احمدجاوید تورک اۉغلی صحبت قیلیب، جنوبی تورکستان و بو یورتنینگ خلقی و مدنیتی حقیده تۉلیق معلومات بېرگنلر.
بونگه قوشیمچه احتفال اشتراکچیلریگه، جنوبی تورکستان و بو یورتنینگ خلقی و مدنیتی اوچون آرتیقچه بیلگی بېریش اوچون تیارلنگن ویدیو لوحه هم نشر اېتیلگن.
