بیرلشگن ملتلر تشکیلاتینینگ ترقیات دستوری رمضان آیی یېتیب کېلیشی مناسبتی بیلن نشر قیلگن بیاناتیده، بو آی دوامیده افغانستاننینگ قشاقلیک و آغیر اقتصادی احوالده بۉلگن اهالیسیگه یاردم کۉرسهتیلیشینی تاکیدلگن.
شونینگدېک بو تشکیلات اوشبو آی مناسبتی بیلن افغانستان خلقینی تبریکلهگن.
بیرلشگن ملتلر تشکیلاتی ترقیات دستوری رمضان آیی همده ییل دوامیده افغانستانده محتاج عایلهلرنی قۉللب-قوتلش مقصدیده یاردملریگه دوام بېریشیدن ایشانچ بېرگن.
دیمک بو ییل رمضان آیی افغانستانده شوندی بیرحالده یېتیب کېلماقده دیر که مملکت اینگ آغیر اقتصادی وضعیت بیلن دوچ بۉلیب قالگن.
رسمی معلوماتلرگه کۉره، افغانستاننینگ کمیده یریم جمعیتی انسانپرورلیک یاردملرگه محتاج دیر.
شونینگدېک رمضان آیی یېتیب کېلیشی بیلن افغانستان بازارلریده نرخ-نوا اینقسه آزیق-آوقت محصولاتلرینینگ نرخی یوقاری کېتیشی خصوصیده هم خواطرلر بیلدیریلگن.
