خلق ارا ساغلیقنی سقلش تشکیلاتی تامانیدن نشر اېتیلگن معلوماتگه کۉره، دنیا بۉیلب مملکتلر آرهسیده حاملهدار عیاللر اۉلیمی کۉپراق اوروش و نابرقرارلیک بیلن دوچ بۉلگن مملکتلرده یوز بېرهدی.
بو حقده نشر اېتیلگن معلوماتگه کۉره، اوشبو مملکتلرده هر بیر ۱۰۰ مینگ توغیش واقعهسیدن ۵۰۴ واقعهسیده عیاللر جان بېرهدی.
ساغلیقنی سقلش تشکیلاتی حاضر هم کۉپلب قشاق مملکتلرده حاملهدار عیاللر اۉلیمی خواطرلی بیر درجهده اېکنینی تاکیدلب، بو خصوصده زودلیک بیلن چاره تدبیر کۉریلیشینی سۉرهگن.
دېمک افغانستان هم اوزاق ییللیک اوروشلرنی باشدن کېچیرگنی باعث حاملهدار عیاللر و ینگی توغیلگن بالهلر اۉلیمی کۉپ رویخطگه آلینگن مملکتلردن حسابلنهدی.
اۉتگن ییللر دوامیده افغانستانده بو واقعهلر کۉپلیگی حقیده گزارشلر نشر اېتیلیب خواطر بیلدیریلگن اېدی.
ایتیش کېرهک که سونگّی ییللرده افغانستانده یاردملر آزهیگنی ساغلیق تیزیمی آغیر احوالگه توشیب قالیشی بیلن عیاللر ساغلیگی ینه بیر بار جدی خواطرلرنی اۉرتهگه آلیب کېلگن.
