طالبان باش وزیرلیگینینگ اقتصادی ایشلر بۉییچه اۉرین باسرلیگی بوگون چهارشنبه ۲۹ – دلو بیر بیانات نشر قیلیب، سرپل و جوزجان ولایتلریده ایکّی تجارت مرکزی قوریلیشیدن خبر بېردی.
بو حقده نشر اېتیلگن معلوماتگه کۉره، طالباننینگ سرمایه یاتقیزیش کمیسیونی نوبتدهگی ییغینیده اوشبو مرکزلر قوریلیش ریجهسی تصدیقلنگن.
معلومات اساسیده، سرپل ولایتی گوسفندی اولسواللیگی بلدیه یېرلریده ایکّی قبتلی بیر مارکیت همده شبرغان شهریده هم بېش قبتلی بیر سوداگرلیک مارکیتی قوریلهدی.
طالبان اقتصادی اۉرین باسرلیگی سرپل ولایتیده قوریلیشی ریجهلشتیریلگن مارکیت ۱۴۸ دکاندن عبارت بۉلیشی همده شبرغان شهریدهگی تجارت مرکزده ۷۹ دکان نظرده توتیلگن دېگن.
طالبان بو لایحه قچان عملگه آشیریلیشی و کیم تامانیدن سرمایه یاتقیزیلیشی حقیده تفصیلات بېرگن اېمس.
ایتیش کېرهک که بوندن ایلگری طالبان افغانستاننینگ ایریم ولایتلریده سودا مارکیتلرینی قوریش مقصدیده دکاندارلردن پول آلگنی و بو لایحه ایشلری یخشی ایلگری کېتمهگنی حقیده شکایتلر بیلدیریلگن اېدی.
