طالباننینگ امربه معروف و نهی از منکر خادملری پروان و لغمان ولایتلریده یوزلب موسیقی اسبابلرینی یاقیب یوباریشدی.
پرواندهگی امربه معروف و نهی از منکر باشلیغی نینگ ایتیشیچه، تخمیناً۵۰۰ ته موسیقی اسبابی اوشبو ولایتده ییغیلگن اېدی.
اونینگ سۉزلریگه کۉره، بو اسبابلر آرهسیده هارمونیه، دف، تبله و دیک بار.
لغماندهگی طالبان امر به معروف ونهی از منکر خادملری هم تخمیناً۱۰۰ته موسیقی اسبابینی یاقیب یوبارگنینی معلوم قیلدی.
طالبان موسیقی چهلیشنی و تینگلشنی حرام دېب حسابلهیدی.
اوشبو گروه بیر نېچه مرته موسیقی اسبابلرینی ییغیب، یاقیب یوبارگن.
بعضی حاللرده، اولر آدملرنینگ تۉی و بیرهم مراسملریگه باستیریب کیریب، صنعتکارلرنی حبسگه آلگن.
طالبان حکمرانلیگی باشلنگنیدن سۉنگ، چلغیچلر و قۉشیقچیلر یاکه مملکتنی ترک اېتگن، یاکه موسیقینی تشلب قۉیگن.
