افغانستان یېتکیرمهلرینی قۉللب – قوتلش تشکیلاتی (امسو) بیر اعلامیه ترقهتیب، پاکستان و ایرانده یشه یاتگن افغانستانلیک ژورنالیستلر وضعیتیدن خواطر بیلدیرگن.
بو تشکیلات شونینگدېک، پاکستان و ایران اولکهلریدهگی افغانستانلیک ژورنالیست لر جبر بیلن چیقاریلیشی، حبسگه آلینیشی، اولرگه قرشی باسیم کېلتیریلیشی و خوفسیزلیک تهدیدلرگه یوز – مه یوز اېکنلرینی بیان قیلگن.
تشکیلاتنینگ اعلامیهسیگه کۉره، اوشبو شخصلر برازیل انسانپرورلیک ویزهسینی قۉلگه کېلتیریش، شونینگدېک باشپناه ایزلش حجتنی کوتیب تورگنلر.
ایتیلیشیچه، کۉپلب ژورنالیستلر و میدیا ایشلاوچیلری خوفسیزلیک تهدیدلر و باشقه ایریم قیینچیلیکلر سبب افغانستاننی ترک اېتیب، ایران و پاکستان اولکهلریده یېرلشکنلر؛ بیراق بو اولکهلرده هم تورلی قیینچیلیک بیل یوزمه- یوزلر.
اوشبو تشکیلات برازیل حکومتیدن همده اونینگ دیپلماتیک نمایندهلریدن بو ژورنالیستلرنینگ انسانپرورلیک ویزه ایستکلرینی کۉریب چیقیش جریانینی تېزراق و شفاف طرز ده ایلگری آلیب باریشلرینی سۉرهگن.
