پاکستان مدافعه وزیری محمد خواجه آصف ینه بیربار، افغانستانده ترورچی گروهلر موجود بۉلگنی و بو گروهلر پاکستان خوفسیزلیگیگه قرشی حرکت قیلهیاتگنینی ادعا قیلدی.
نشر اېتیلگن خبرلرگه کۉره، خواجه آصف اوشبو مسالهنی «فرانس ۲۴» یېتکیرمهسی بیلن اۉتکزگن صحبتلریده تیلگه آلگن.
پاکستان مدافعه وزیرینینگ ادعا قیلیشیچه، طالبان و هندوستان رسمیلری بیرگهلیکده پاکستان خوفسیزلیگینی بوزیش اوچون قورالی ترورچی گروهلر بیلن علاقهده دیر.
شونینگدېک خواجه محمد آصف، افغانستانده حضوری بۉلگن قورالی گروهلر اینقسه پاکستان طالبان تحریکی، داعش و شرقی تورکستان اسلامی حرکتی منطقه برقرارلیگی اوچون تهدید دېب بیلدیرگن.
پاکستان مدافعه وزیری، بو مملکتده یوز بېرهیاتگن هر بیر ناتینچلیک واقعهسی آرتیده طالبان بارلیگینی هم تیلگه آلگن.
پاکستان مدافعه وزیری اوشبو وضعیت دوامی سبب، بو مملکت افغانستانگه قرشی هوا هجومی قیلیشی هم گماندن تشقری اېمس دېب معلوم قیلدی.
ایتیش کېرهک که طالبان حاضرگچه پاکستان رسمیلرینینگ بو ادعالرینی قبول قیلگن اېمس.
