پاکستان عامهوي اخبارات واسطهلرینینگ خبر بېریشیچه، کراچی شهریده بیر تورر-جای بناسیده گاز بالونی پارتلشی نتیجهسیده کمیده۱۳ کیشی اۉلگن و۱۴ کیشی یرهلنگن.
جیو نیوز خبریگه کۉره، بو پارتلش تیناوون (چهارشنبه،۲۹ دلو) کراچیدهگی اوچ قبتلی بنانینگ بیرینچی قبتیده صادر بۉلگن.
مذکور عامهوي اخبارات واسطهسینینگ خبریگه کۉره، هلاک بۉلگنلر آرهسیده تۉرت نفر باله و اوچ نفر عیال هم بار.
پاکستان پولیسی دستلبکی معلوماتلرگه کۉره، پارتلش گاز آقیشیدن کېلیب چیققنینی بیلدیرگن.
پولیس رسمیلری، جراحت آلگنلر آرهسیده بیر نېچته باله و عیال هم بارلیگینی ایتگن.
پولیس کمیده ینه ایکّی کیشی قولهب توشگن بنانینگ آستیده قالگنینی و قوتقروو ایشلری دوام اېتهیاتگنینی بیلدیرگن.
