فاریاب ولایتی دولت آباد اولسواللیگیدن منبعلرنینگ اۉزبېک تیوی گه ایتیشیچه، بو اولسواللیک بازاریدهگی پارک ایچیده جایلهشگن سلطان حسین بایقرا یادگارلیگی طالبان تامانیدن یۉق اېتیلگن.
فاریاب اهالیسی طالبان بو قراریدن تنقید قیلیب ایتیشیچه، بو ییرده سلطان حسین بایقرانینگ کیچیک بیر هیکلی و بو تاریخی سیمانینگ قیسقه شرح حالی بۉلگن.
طالبان بو یېرده مسجد برپا اېتیش مقصدیده یادگارلیکنی یۉق اېتگن.
دولت آباد اهالیسینینگ تاکیدلشیچه، بنا یقینیده کمیده ۸ مسجد موجود بۉلگن حالده بو ییر مسجد توزاتیش اوچون یۉق اېتیلیشی بیر بهانه دیر.
اولر شونینگدېک اۉزبېکلر مدنیتیگه کۉرسهتیلگن بو ضدیتنی قارهلهیدی.
ایتیش کېرهک که طالبان بوندن ایلگری هم اۉزبېک مدنیتیگه تېگیشلی بنالرنی یۉق اېتیش اوچون حرکت قیلگن.
