بیرلشگن ملتلر تشکیلاتینینگ افغانستاندهگی انسانپرورلیک یاردملرنی موافقلشتیریش بۉییچه وکیلی اۉرینباسری اندریکا راتواتهنینگ وظیفهسی یکونلندی.
طالبلر تشقی ایشلر وزیرلیگی بوگون جمعه،۱ حوت اندریکا راتواته امیرخان متقی بیلن خیرلشوو اوچرهشووی اۉتکزگنینی معلوم قیلدی.
تشقی ایشلر وزیرلیگیگه کوره، اوچرهشووده بیرلشگن ملتلر تشکیلاتینینگ افغانستاندهگی یاردم اۉرینباسری جورجت گانیون هم اشتراک اېتگن و تامانلر بیرلشگن ملتلر تشکیلاتی اۉرگانلری بیلن طالبلر اۉرتهسیدهگی همکارلیک و موافقلشتیریشنی بحث قیلگنلر.
طالبلر تشقی ایشلر وزیری اندریکا راتواته گه انسان پرورلیک یاردملرنی موافقلشتیریشدهگی رۉلی اوچون منّتدارلیک بیلدیرگن. اندریکا راتواته اېسه افغانستاندهگی ماموریتنی تجربه و یخشی خاطرهلر بیلن تۉله دېب تعریفلهگن.
اندریکا راتواته 1402-ییل آخریدن بېری افغانستانده انسانپرورلیک یاردملرنی موافقلشتیرووچی صفتیده فعالیت یوریتگن. کیم اونینگ اۉرنینی اېگهللشی حاضرچه معلوم اېمس.
حاضرگی وقتده افغانستان اهالیسینینگ یرمی انسانپرورلیک یاردمگه محتاج، شوندهی بۉلسه-ده، بو یاردملر کمهیماقده.
