بیرلشگن ملتلر تشکیلاتینینگ تعلیم، فن و مدنیت ادارهسی ۲۱ – فبروری آنه تیلی خلقارا کونی مناسبتی بیلن نشر قیلگن بیاناتیده، دنیاده تیل خیلمه-خیللیک کۉرینیشی جدی تهدیدلر بیلن دوچ بۉلگنیدن آگاهلنتیردی.
بو تشکیلاتنینگ تاکیدلشیچه، حاضر دنیا جمعیتی جملهسیدن ۴۰ فایز آدملر اۉز تیللری یا -ده اۉزلری بیلیب-توشینگن تیللرده اۉقیش حقیگه ایگه اېمس.
شونینگدېک یونسکو تشکیلات، دنیا بۉیلب بوتون تیللرگه حرمت اېتیلیشی اوچون اینتیلیشلری دوامیدن هم خبر بېرگن.
بیرلشگن ملتلر تشکیلاتی یونسکو ادارهسینینگ عمومی باشقیرووچیسی خالد العنانی، اولادلر آرهسیده تیللر سقلنیشی خصوصیده سرمایهلر کیریتیلیشی اوچون بۉلگن تکلیفلردن اېسلب، هیچ بیر سېس بشریت ایچیدن یۉقاتیلمسلیگینی تاکیدلگن.
عینی حالده العنانی، تیل خیلمه-خیللیگی تینچلیک، انسانی کرامت و کینگ قمراولیک کۉرینیشنینگ اساسی ستونی دېب اورغولهگن.
