پاکستان حربیلری تامانیدن اۉتگن کېچه افغانستاننینگ ننگرهار و پکتیکا ولایتلری ایریم حدودلریگه هوا هجوملری اویوشتیریلگن.
طالبان مدافعه وزیرلیگی بوگون اېرتهلب یکشنبه، ۳- حوت، اوشبو هجوملرنی تصدیقلب بو هجوم جوابسیز قالدیریلمهیدی دېب تاکیدلدی.
طالبان مدافعه وزیرلیگی ایکس صحیفهسیده نشر قیلگن بیاناتیده، پاکستاننینگ بو هجوملریده اۉنلب عادی اهالی جملهدن عیاللر و بالهلر نشانگه آلینگنینی معلوم قیلدی.
ایتیلیشیچه، پاکستان حربیلری طالبانگه تېگیشلی بیر دینی مدرسهگه هجوم قیلگن.
طالبان مدافعه وزیرلیگی بو هجوملرنی، آچیق تجاوز دېب جوابسیز قالدیرمسلیگینی بیلدیرگن.
نشر اېتیلگن خبرلرگه کۉره، پاکستاننینگ اوشبو هجوملری ننگرهار ولایتی بهسود تومنی و پکتیکا ولایتینینگ برمل تومنیده اویوشتیریلگن.
ایتیلیشیچه یالغیز بهسود تومنیده هجوملر نتیجهسیده ۱۶ کیشی جان بېرگن.
