اوکراین اوروشی دوام اېتر اېکن اۉتگن کوندن بېری بو ایکّی مملکت حربیلری بیر-بیریگه قرشی راکته هجوم اویوشتیرگنی خبر قیلیندی.
خلقارا یېتکیرمهلر تامانیدن نشر اېتیلگن خبرلرگه کۉره، روسیه حربیلری بوگون اېرتهلب اوکراین پایتختی بیر قنچه حدودلریده راکته هجوم اویوشتیرگن.
شونینگدېک روسیه اۉتگن کون هم اوکراینگه قرشی بیر قنچه هجوملر اویوشتیرگنی حقیده خبرلر نشر اېتیلگن اېدی.
ایتیلیشیچه روسیهنینگ اوکراینگه قرشی اویوشتیریلگن ینگی هجوملری نتیجهسیده تۉرت کیشی جان بېریب و ینه اوچ کیشی یرهلنگن.
عینی حالده رویترز اخبارات آژانسی اوکراین رسمیلری معلوماتیگه تهینیب خبر بېریشیچه، بو مملکت حربیلری اۉتگن کون روسیهنینگ راکته ایشلب چیقرووچی ایشخانهلریدن بیریگه هجوم اویوشتیرگن.
اوکراین و روسیهنینگ بو هجوملری شوندی بیرحالده دیر که ایکّی تامان وکیللری اۉتگن هفته دوامیده جنیوا شهریده مذاکره اۉتکزگن اېدی.
امریکا قۉشمه ایالتلری واسطهچیلیگیده اۉتکزیلگن بو مذاکرهلر حاضرگچه ایجابی نتیجه بېرگن اېمس.
