سۉنگّی کونلر دوامیده، ایران و امریکا اۉرتهسیدهگی تارتیشوولر جدیلشیشی آرتیدن منطقه بیر قنچه مملکتلری بو خصوصده تیارگرلیک کۉرهیاتگنینی اعلام قیلگن.
تورکیه یېتکیرمهلرینینگ خبر بېریشیچه، بو مملکت کابینهسینینگ نوبتدهگی ییغینیده خودی شو مساله حقیده بحث اېتیلهدی.
بو حقده نشر اېتیلگن خبرلرگه کۉره، تورکیه حکومتی کابینهسینینگ نوبتدهگی ییغینی بو مملکت جمهور باشلیغی رجب طیب اردوغان باشچیلیگیده اۉتکزیلیب، باشقه مسالهلر قۉشیمچه ایران و امریکا تارتیشوولری حقیده هم بحث اېتیلیشی ریجهلشتیریلگن.
اوشبو ییغین بوگون دوشنبه ۲۳ – فبروری اۉتکزیلیشی قرار قیلینگن.
عینی حالده، اسراییلنینگ حربی کابینهسی هم بو اوروش یوز بېرگن تقدیرده قندهی چاره-تدبیر کۉریلیشی خصوصیده ییغین اۉتکزگنی حقیده خبر قیلیندی.
نشر اېتیلگن خبرلرگه کۉره، اسراییل حربی کابینهسی ییغینیده امریکانینگ ایرانگه هجومی و بو هجوم یوز بېرگن تقدیرده لبنان حزبالله اوروشگه قتنهشیشی محاکمه قیلینگن.
شو بیلن بیرگه مصر تشقی ایشلر وزیرلیگی هم تارتیشوولر اوروشگه سبب بۉلمهی سۉزلشوو آرقهلی حل اېتیلیشی بۉییچه سعیوحرکتلرنی باشلهگنیدن خبر بېردی.
مصر تشقی ایشلر وزیرلیگی بیاناتیگه کۉره، بو مملکت جمهور باشلیغی اوشبو مساله یوزهسیدن امریکا، ایران و عمان تامانلری بیلن علاقهلر اۉرنهتیلیشینی بویروغ بېرگن.
ایتیش کېرهک که ایران و امریکا وکیللری کېلهسی پنجشنبه کونی، نوبتدهگی مذاکرهلرینی جینواده اۉتکزیش ریجهلشتیرگن.
