پاکستان یېتکیرمهلرینینگ گزارش بېریشلریچه، بو اولکهنینگ خیبرپختونخواه ایالتیده پولیس کوچلری موتری اوستیده اویوشتیریلگن هجوم ده آلتی پولیس و بیر تینچ اهالی شامل یېتّی کیشی جان بېریب و باشقه تۉرت کیشی یرهلنگن.
جیونیوز خبرگزارلیگینینگ معلوماتی گه کۉره، اوشبو هجوم بوگون (سه شنبه، ۵ حوت) خیبرپختونخواه ایالتینینگ کوهات اولسوال لیگیده یوزبېرگن.
پاکستان پولیسینینگ ایتیشیچه، اوشبو هجوم اوزاقده بۉلگن منطقهده یوز بېرگن و ترورچیلر پولیس کوچلرینینگ موترینی الو بېرگن.
اوشبو هجوم شوندی بیرحالده یوزبېرگن که، سۉنگی کونلرده تیتیپی گروهی اوستیده پاکستان بیلن طالبان آرهسیده قرمه – قرشی لیکلر کوچیگن.
پاکستان، سۉنگی هفتهلرده اسلام آباد، باجور بنو منطقهلریده اۉلیملی هجوملر آرتیدن، شنبه کېچهسی افغانستاننینگ ننگرهار و پکتیکا ولایتلریده یېتّی منطقهنی نشانگه آلدی و نتیجهده 23 کیشی جانینی قۉلدن بېردی.
بو هجومدن سۉنگ طالبان رسمی لری، پاکستاننینگ اوشبو هجوملری جوابسیز قالمسلیگیدن آگاه لنتیردی.
