افغانستان بۉییچه پاکستان مخصوص وکیلی محمدصادق نینگ ایتیشیچه، افغانستان بۉییچه اروپا اتفاقی مخصوص وکیلی ژیل برتران بیلن آنلاین ملاقات اۉتکزگن.
محمدصادق اۉزینینگ ایکس صحیفهسیده یازیشیچه، بو اوچرهشووده افغانستانده انسان حقلری وضعیتی و ترورچیلیککه قرشی کورهش مسالهلری خصوصیده فکر المشتیریلگن.
شونینگدېک ملاقاتده، منطقهنینگ سیاسی و خوفسیزلیک وضعیتی هم تیکشیریلگنینی معلوم قیلگن پاکستان مخصوص وکیلی اۉز بیاناتیده.
ایتیش کېرهک که پاکستان و طالبان مناسبتلری یامانلشیب پاکستان تامانیدن افغانستان ایریم ولایتلریده هوا هجوملری اویوشتیریلگنیدن سۉنگ بو مملکت مخصوص وکیلی دنیا و منطقه مملکتلری وکیللری بیلن ملاقاتلرنی باشلهگن.
محمد صادق بوندن ایلگری، اۉزبېکستان جمهور باشلیغینینگ افغانستان بۉییچه مخصوص وکیلی عصمتالله ایرگشاف بیلن هم آنلاین صحبت اۉتکزیب، افغانستان خصوصیده بحث قیلگن اېدی.
پاکستان مخصوص وکیلی اوشبو صحبتیده، حاضر افغانستانده اۉزبېکستان حکومتیگه قرشی ۲۵۰۰ قورالی کیشی بارلیگی ممکنلیگینی تیلگه آلگن اېدی.
