بیرلشگن ملتلر تشکیلاتی انسان حقلری کېنگشیده افغانستان انسان حقلری وضعیتگه قرهتیلگن ییغین باشلنیب، مملکتده دوام اېتیب تورگن انسان حقلری وضعیتی تیکشیریلماقده دیر.
اوشبو ییغینده بیرلشگن ملتلر تشکیلاتی انسان حقلری کمیساری فولکر ترک تورلی مملکتلر وکیللری، بو تشکیلاتده افغانستان وکیلی نصیراحمد اندیشه و بیرلشگن ملتلر تشکیلاتینینگ افغانستان انسان حقلری بۉییچه مخصوص وکیلی صحبت قیلیب، افغانستانده دوام اېتیب تورگن انسان حقلری احوالیدن اۉز خواطرلرینی بیلدیردی.
بو ییغینده فولکر ترک، افغانستانده دوام اېتیب انسانی وضعیت و عیاللرگه قرشی چیکلاولر جنسی آپارتاید اولهراق قید اېتیلیشی اوچون اۉز حمایهسینی اعلام قیلدی.
شونینگدېک ریچارد بنت تامانیدن هم افغانستانده انسان حقلری خصوصیده تیارلنگن اۉز حساباتنی ارایه قیلدی.
بونگه قوشیمچه دنیا باشقه تورلی مملکتلری وکیللری هم افغانستان انسان حقلری وضعیتی یوزهسیدن خواطرلرینی بیلدیریب، طالباننینگ یاندهشوولری اینیقسه خاتین-قیزلرگه قرشی چیکلاولر و باسیملرینی قارهلدیلر.
ییغین اشتراکچیلری همده طالبان محکمهلرینینگ جزا اصولنامهسیدن هم تنقید قیلیب، بو اصولنامه انسانلرنی ایرکین و قول دېب اجرهتگنینی معلوم قیلدی.
عینی حالده اولر افغانستان خاتین-قیزلر عدالتگه قۉل تاپمسلیکلرینی هم تنقید قیلدیلر.
