بلخ ولایتیدهگی مردمی منبعلر طالبان ایکّی نفر یاش ییگیتنی رۉزه توتمسلیک عیبی بیلن حبسگه آلیب، قماققه تشلهگنینی اَیتماقده.
منبعلرگه کۉره، بلخ ولایتینینگ دهدادی اولسواللیگی یشاوچی اوشبو ایکّی ییگیت تیناوون (چهارشنبه،۶ حوت) طالبان تامانیدن ایکّی آی قماق جزاسیگه و هر بیریگه۲۰ درّه اوریش جزاسی بیلن حکم قیلینگن.
بلخدهگی طالبان رسميلری بو بارهده حاضرچه هېچ قندهی ایضاح بېرمهگن.
طالبان محکمهلرینینگ جزا قاعدهلریده ایتیلیشیچه، اگر مسلمان کیشی رمضان آییده شرعي عذرسیز اتهیلب رۉزه توتمسه، قاضی اونی ییگیرمه درّه اوریشدن تشقری ایکّی آی قماق جزاسیگه هم حکم قیلهدی.
اوّلراق طالباننینگ امر به معروف و نهی از منکر ادارهسی باميان ولایتیده رمضان آییگه «حرمتسیزلیک» و «اوّلگی توصیهلرگه بۉیسونمسلیک» سببلی آلتی نفر هتل اېگهلری و نانوایلرنی قماققه تاپشیرگن اېدی.
