طالبان مدافعه وزیرلیگی بیر بیانات ترقهتیب ادعا قیلیشیچه، بو گروه و پاکستان چیگره کوچلری اۉرتهسیده یوز بېرگن تۉقنهشوو عاقبتیده پاکستان حربیلریدن ۵۵ کیشی اۉلدیریلگن.
طالباننینگ ادعا قیلیشیچه، تۉرت ساعت دوام اېتگن بو تۉقنهشوو نتیجهسیده پاکستاننینگ ۱۹ حربی پوستهسی باسیب آلینگن.
عینی حالده طالبان بو تۉقنهشوو عاقبتیده بو گروهنینگ ۸ جنگریسی جان بېریب و ینه ۱۱ تهسی یرهلنگنینی معلوم قیلدی.
شونینگدېک طالبان مدافعه وزیرلیگی معلوماتی اساسیده، پاکستان هجوملری عاقبتیده ۱۳ تینچ اهالی هم قربان بۉلگن.
ایتیش کېرهک که طالبان اۉتگن کېچه سکّیز بجهدن کیین پاکستانگه قرشی قصاص آلیش مقصدیده هجوم باشلهگن اېدی.
ایتیلیشیچه اوشبو تۉقنهشوو کېچه ساعت ۱۲ گچه دوام اېتگن.
بو هجوملرگه جوابا پاکستان کابل ایریم حدودلرینی هوا هجوم آرقهلی نشانگه توتگن.
