بیرلشگن ملتلر تشکیلاتینینگ افغانستان بۉییچه مخصوص گزارشگری ریچارد بنت طالبان و پاکستان اۉرتهسیدهگی کېسکینلیکنی درحال کمهیتیریش ضرورلیگینی ایتدی.
جناب بنت بوگون اېرتهلب (جمعه،۸ حوت) ایکس اجتماعي ترماغیده اعلان قیلگن پُستیده وضعیتنی تینچلنتیریشگه، انسان حقوقلری و خلق ارا بشری حقوقه حرمت بیلن یاندهشیشگه، اینیقسه تینچ اهالینی حمایه قیلیشگه چقیردی.
بیرلشگن ملتلر تشکیلاتی نینگ مخصوص گزارشگری پاکستاننینگ پکتیکا و ننگرهار ولایتلریگه اویوشتیرگن هوا هجوملریدن سۉنگ هم تینچ اهالینی حمایه قیلیش و خلق ارا قانونلرگه رعایه اېتیش ضرورلیگینی تأکیدلهگن اېدی.
طالبان اوشبو ایکّی ولایتگه قیلینگن هجوملرگه جوابن کېچه پاکستانگه قرشی جواب ضربهلری بېرگن و چېگرهده پاکستان کوچلری بیلن تۉقنهشوولر باشلنگن.
اوشبو هجوملردن کېین پاکستان بوگون اېرتهلب کابل، قندهار و پکتیکا حدودلریدهگی اَیریم نقطهلرنی بامباردمان قیلدی.
حاضرچه اوشبو تۉقنهشوولر عاقبتیدهگی قربانلر و ضررلر بۉییچه انیق معلومات موجود اېمس، تامانلر اېسه بیر-بیریگه ضد دعوالرنی ایلگری سورهماقده.
