طالبان و پاکستان اۉرتهسیدهگی تۉقنهشوولر دوام اېتر اېکن، ایریم یېتکیرمهلر اۉز منبعلری معلوماتیگه اساسلهنیب، پاکستان حربیلری تامانیدن افغانستانگه قرشی اویوشتیریلگن ینگی هجوملردن خبر بېردی.
بو حقده نشر اېتیلگن خبرلرگه کۉره، پاکستاننینگ اوشبو هجوملری پکتیکا ولایتی ایریم حدودلری و تورخم چیگره حدویده عملگه آشیریلگن.
پاکستان حربیلری تامانیدن تورخمده جایلشگن بیر کسلخانه نشانگه توتیلگنی و بو هجوم عاقبتیده بیر کیشی یرهلنگنی خبر قیلینگن.
عین حالده ایریم خبرلرگه کۉره، پاکستان حربیلری پکتیکا ولایتیده طالباننینگ حربی مرکزلریدن بیرینی نشانگه آلگن.
حاضرگچه بو حربی مرکزده اویوشتیریلگن هجوم نتیجهسیده اۉرتهگه کېلگن تلفات حقیده تفصیلات بېریلگن اېمس.
ایتیش کېرهک که طالبان و پاکستان اۉرتهسیده اۉتگن کېچهدن بېری کېنگ تۉقنهشوو دوام اېتماقده.
