پاکستان تشقی ایشلرو زیرلیگینینگ اعلام قیلیشیچه، بو مملکت تشقی ایشلر وزیری محمد اسحاقدار، تورکیه تشقی ایشلر وزیری خاقان فیدان بیلن تلیفونی صحبت اۉتکزگن.
بو حقده پاکستان تشقی ایشلر وزیرلیگی تامانیدن نشر اېتیلگن بیاناتگه کۉره، ایکّی تامان پاکستان و طالبان اۉرتهسیدهگی تۉقنهشوولر حقیده صحبتلشگن.
پاکستان تشقی ایشلر وزیری بو مملکت طالباننینگ تجاوزلریگه جواب قیترگنینی هم ادعا قیلگن.
عین حالده ایکّی تامان منطقه تینچلیگی و برقرارلیگی حقیده تاکیدلب، بو خصوصده کۉپراق صحبتده بۉلیب توریشلرینی اورغولهگن.
پاکستان تشقی ایشلر وزیری بوندن ایلگری، سعودی عربستان تشقی ایشلر وزیری بیلن هم خودی شو موضوع بارهسیده تلیفونی ملاقات اۉتکزگن اېدی.
