بیرلشگن ملتلر تشکیلاتینینگ باش کاتبی آنتونیو گوتریش، طالبان و پاکستان اۉرتهسیدهگی اوروش تیزلیک بیلن تۉختهتیلیب، ایکّی تامان آتیش-کېسینگه تَن بېریشلرینی طلب قیلگن.
بو مسالهنی بیرلشگن ملتلر تشکیلاتی باش کاتبینینگ سۉزلاوچیسی استفان دوجاریک اۉتکزگن خبری بیر ییغینده تیلگه آلدی.
دوجاریکنینگ تاکیدلشیچه، بیرلشگن ملتلر تشکیلاتینینگ باش کاتبی اوشبو تۉقنهشوودن جدی خواطرلنگن.
شونینگدېک بیرلشگن ملتلر تشکیلاتی، طالبان و پاکستاندن ینه بیربار اۉز تارتیشوولرینی سۉزلشوو آرقهلی حل اېتیشلرینی سۉرهگن.
ایتیش کېرهک که پاکستان و طالبان اۉرتهسیدهگی تۉقنهشوولر ایکّی کیچه و کوندوز بیری کینگ دوام اېتماقده دیر.
حاضرگچه ایکّی تامان یوزلب آدم اۉلدیریلگنی معلوم قیلینگن بو تۉقنهشوو قچان و قندهی یکونلنیشی بیللی اېمس.
