پاکستان و طالبان اۉرتهسیدهگی اوروش کېنگ کۉلمده دوام اېتر اېکن ناتینچلیکلر چېگره حدودلردن اۉتیب، کابلگچه یېتیب کېلگنی خبر قیلینماقده.
کابل شهریده یشاوچی اهالینینگ ایتیشیچه، اۉتگن کېچهنی ایریم حدودلرده یوز بېرگن پارتلش و تۉقنهشوولر تاووشی بیلن تانگ آتدیرگنلر.
شونینگدېک ایتلیشیچه پاکستان هوا کوچلری، بگرام قۉنالغهسینی هم بمباردمان قیلگن.
دېمک بگرام قۉنالغهسی افغانستاندهگی اوروشنی باشقیریش اېنگ مهم مرکز دیر.
عین حالده، طالبان هم پاکستانگه قرشی هجوملرینی دوام بېریب کېلماقده.
بو احوال شوندهی بیرحالده دیر که پاکستان و طالبان اۉرتهسیدهگی اوروش قچان و قندهی یکونلنیشی خصوصیده حاضرگچه بیران چاره-تدبیر یۉق.
دېیرلی پاکستان و طالبان اۉرتهسیدهگی اوروش اوچ کېچه و کوندوزدن بیری دوام اېتیب کېلماقده و حاضرگچه یوزلب آدم اۉلیمیگه سبب بۉلگن.
