سرپل ولایتیده طالبان امنیه قومندانلیگینینگ معلوم قیلیشیچه، بو ولایتده ۸ کیشی قمار اۉینش عیبی بیلن توتقینگه آلینگن.
طالبان بو شخصلرنی، سرپل ولایتینینگ سانچارک اولسواللیگیده حبسگه آلگن.
طالبانگه کۉره، بو شخصلرنینگ دوسیهلری عدلیه و قضایی ادارهلریگه یوباریلهدی.
ایتیش کېرهک که طالبان بوندن ایلگری هم سرپل و باشقه ولایتلرده کېچهلر بیر قنچه اویلر و اهالی ییغیلیشلر جایلریگه باستیریب، بیر قنچه شخصلرنی قمارگه عیبلب حبسگه آلگن اېدی.
معلوماتلرگه کۉره، طالبان یاش-ییگیتلرنینگ عادی اۉلتیریشلریگه هم باستیریب، اولرنی قمارده عیبلب اوستیگه باسیم کېلتیرگن.
طالبان کوچلرینینگ بو حرکتلری اهالی اۉرتهسیده دهشت و قۉرقوو یرهتگن.
