ایران اسلامی انقلابینینگ سپاه پاسدارلری، اسرائیل و امریکانینگ قۉشمه حربی هجوملریده بو اولکهنینگ یوقاری مرتبهلی حربی قوماندانلری اۉلدیریلگنینی تصدیقلهدی.
اوشبو ادارهنینگ ترقتگن بیاناتیده ایتیلیشیچه، امریکا و اسرائیلنینگ اۉتکن کونگی اویوشتیرگن هجوملریده ایران رهبری علی خامنهای شامل بو اولکهنینگ یوقاری مرتبهلی قوماندانلریدن تۉرت کیشی هم جان بېرگن.
قورالی کوچلر باشلیغی سیدعبدالرحیم موسوی، حربی کوچلر باش قوماندانی محمد پاکپور، دفا شوراسینینگ کاتبی و بوتون حربی کوچلر قوماندانی علی شخمانی، دفاع وزیری عزیز نصیرزاده و باشقه بیر قطار قوماندانلر دفاع کېنگیشی ییغینیده نشانگه آلینگنی تصدیقلهندی.
«حماسی غضب عملیاتی» نامیده اسرائیل و امریکانینگ قۉشمه هجوملری شنبه کونی اېرتهلب باشلندی و اوشبو هجوم باشلهنیشیده خامنهای و باشقه بیر قنچه بلند مرتبهلی قوماندانلر بیلن اۉلدیریلگن.
