خلق ارا یېتکیرمهلر تامانیدن نشر اېتیلگن خبرلرگه کۉره، کویتده امریکانینگ اېلچیخانهسیگه قرشی هجوم اویوشتیریلگن.
شو بیلن بیرگه کویتده باشقه بیر قنچه حدودلرده هم هجوم و پارتلش سېسی اېشیتیلگنینی بیلدیریلدی.
خبرلرگه کۉره، کویتده اویوشتیریلگن هجوم نتیجهسیده کمیده اوچ امریکالیک جان بېرگن.
شو بیلن بیرگه ایریم یېتکیرمهلر ایران تامانیدن بحرین و اسراییلگه قرشی هجوم اویوشتیریلگنینی معلوم قیلدی.
ایتیلیشیچه ایران هجوملریده، بحریندهگی امریکا حربی مرکزلری نشانگه توتیلگن.
شو بیلن بیرگه اسراییل رسمیلری هم ایراننینگ ینگی هجوملریدن خبر بېریب، ایران تامانیدن بیر قنچه راکت آتیلگنینی معلوم قیلدی.
اسراییل، وطنداشلریدن سقلنگن مکانلرگه باریشلرینی سۉرهگن.
ایتیش کېرهککه ایران و اسراییل اۉرتهسیدهگی اوروش اوچ کوندن بېری دوام اېتماقده و حاضرگچه بو هجوملر قچان و قندهی یکونلنیشی بېللی اېمس.
