خلقارا یېتکیرمهلر تامانیدن نشر اېتیلگن خبرلرگه کۉره، پاکستاننینگ تورلی شهرلریده ایران مذهبی رهبری علی خامنهای اۉلدیریلگنیگه قرشی ناراضلیکلر دوام اېتماقده.
ایتیلیشیچه مینگلب آدم پاکستان اهالیسی بو مملکت تورلی شهرلری اینیقسه کراچی، گلگیت و اسلامآباد شهرلریده کۉچهلرگه چیقیب، امریکا و اسراییلگه قرشی ناراضلیک بیلدیرگنلر.
شونینگدېک بو اعتراضچیلر امریکانینگ دیپلوماتیک مرکزلریگه قرشی هجوم قیلیب، اوشبو مرکزلرنی اېگهلشگه اورینگنلر.
بو وضعیت عاقبتیده کراچی شهریده ۱۷ کیشی جان بېریب و ینه کمیده ۷۰ کیشی یرهلنگنی معلوم قیلینگن. شونینگدېک گلگیت شهریده هم ۷ کیشی جان بېرگن و ینه بیر قنچه کیشی یرهلنگن.
پاکستانده بو شخصلر پولیس بیلن بۉلگن تۉقنهشوو عاقبتیده اۉلیب و یرهلنگن.
ایتیش کېرهک که امریکا و اسراییل حربیلری مشترک هجوم اویوشتیریب ایران مذهبی رهبرینی اۉلدیردی.
اوشبو هجوملر آرتیدن امریکا، اسراییل و ایران اۉرتهسیده کېنگ اوروش باشلنگن.
