طالبان مدافعه وزیرلیگی اوچووچیسیز باشقریلهدیگن درون پروازی عکس اېتگن ویدېونی نشر قیلیب، پاکستاندهگی اَیریم حربي قرارگاهلرنی هوا هجومی بیلن نشانگه آلینگنینی دعوا قیلدی.
وزیرلیکنینگ ایتیشیچه، تیناوون (یکشنبه،۱۰ حوت) پاکستاندهگی مهم حربي قرارگاهلر، جملهدن راولپیندیدهگی نورخان، بلوچستاننینگ کوېته شهریدهگی ۱۲-پایگاه لشکر همده خیبرپختونخوادهگی مهمند ایجنسی جایلشگن «کمپ خویزو» نشانگه آلینگن.
طالبان مدافعه وزیرلیگی بو هجوملر پاکستان اوردوسینینگ کابل و بگرام حدودلریگه اویوشتیرگن «هوا تجاوزلری»گه جوابن عملگه آشیریلگنینی بیلدیرگن.
طالبان آلدین هم پاکستانگه قرشی هوا هجوملری اویوشتیریلگنینی دعوا قیلگن اېدی.
پاکستان رسميلری حاضرچه طالبان مدافعه وزیرلیگینینگ ینگی ادعاسیگه مناسبت بیلدیرمهگن. بیراق پاکستان اخبارات و نشرلر وزیری اوشبو گروهنینگ اوّلگی درون هجوملرینی تیتیپی (تحرک طالبان پاکستان)گه باغلگن.
