ایریم یېتکیرمهلر پنجشیر ولایتیدهگی محلي منبعلرگه اساسلنیب خبر بېریشیچه، پاکستان حربي اوچاقلری اوشبو ولایتده طالباننینگ حربي مرکزلرینی نشانگه آلگن.
خبرلرگه کۉره، تیناوون یکشنبه،۱۰ حوت تخمیناً ساعت۹:۰۰ اطرافیده عنابه اولسواللیگینینگ «دشتک» حدودیده جایلشگن طالبان نینگ مخصوص حربی قرارگاهیدن کمیده اوچته پارتلش آوازی اېشیتیلگن.
شونینگدېک، پارتلش آوازلری دره، شتل اولسواللیکلری و پنجشیر مرکزیده هم اېشیتیلگنی ایتیلماقده.
طالبان حاضرگچه اوشبو پارتلشلر یوزهسیدن هېچ قندهی ایضاح بېرمهگن.
طالبان و پاکستان اۉرتهسیدهگی تۉقنهشوولر آرتیدن، پاکستان اوردوسی بو گروهنینگ تورلی ولایتلردهگی حربي مرکزلرینی هجومگه توتگن.
