امریکا قوشمه ایالتلری و اسراییلنینگ ایرانگه قرشی اوروشی جدی دوام اېتر اېکن، امریکا جمهور باشلیغی دونالد ترامپ بو اوروش دواملی بۉلیشی ممکنلیگینی تیلگه آلدی.
اسوشیتدپرس اخبارات آژانسی خبر بېریشیچه، امریکا جمهور باشلیغی اوشبو اوروش تعیین اېتیلگن زماندن کۉره هم کۉپراق دوام اېتیشی ممکن دېب اعلام قیلگن.
دیمک دونالد ترامپ بوندن ایلگری اوشبو اوروش تۉرت هفتهدن کۉپراق دوام اېتیشی ممکن دېب معلوم قیلگن اېدی.
عینی حالده امریکا و اسراییل رسمیلری ینه بیربار ایرانگه قرشی هجوم قرارلریدن حمایه قیلدیلر.
ایران مدافعه وزیری پیت هگست و اسراییل باش وزیری بنیامین نتنیاهو اولر هجوم قیلمهگن تقدیرده ایران هجومی بیلن دوچ کېلیشلری ممکن دېب ادعا قیلگن.
ایتیش کېرهک که امریکا و اسراییلنینگ ایرانگه قرشی کینگ هجوملری شنبه کوندن بیری دوام اېتماقده و ایران حربیلری هم اسراییل و منطقهدهگی امریکا حربی مرکزلرینی نشانگه توتیش بیلن اوشبو هجوملرگه جواب قیترماقده دیر.
بو هجوملر دوامیده، اۉتگن کېچه سعودی عربستاندهگی امریکا ایلچیخانهسی نشانگه توتیلدی.
معلوماتلرگه کۉره، حاضرگچه اوشبو هجوملر نتیجهسیده ایرانده ۵۵۵ کیشی لبنانده ۵۲ کیشی، اسراییلده ۱۱ کیشی و ینه آلتی امریکالیک حربی هم جان بېرگنی تصدیقلنگن.
