طالبان ساغلیقنی سقلش وزیرلیگینینگ اعلام قیلیشیچه، افغانستان ۱۹ ولایتیده ساغلیق خذمتلری ترقهتیلیشی مقصدیده بیر شرطنامه امضالنگن.
بو حقده نشر اېتیلگن بیاناتگه کۉره، اوشبو شرطنامه ۷ میلیون و ۷۳۱ مینگ و ۱۲۶ دالر ارزشیگه بۉلیب، MSIA ناملی بیر موسسه بیلن امضالنگن.
طالبان ساغلیق سقلش وزیرلیگیگه کۉره، اوشبو لایحه کېلهسی بېش ییلگچه عملگه آشیریلیب، لایحه دایرهسیده ۶۰۰ مینگ کیشیگه ساغلیق خذمتلری ترقهتیلهدی و ۴۰۰ کیشیگه هم ایش شرایطلری یرهتیلهدی.
طالبان ساغلیقنی سقلش وزیرلیگی مذکور لایحه کابل، ننگرهار، کاپیسا، بدخشان، تخار، قندوز، بغلان، بلخ، جوزجان، فاریاب، هرات، قندهار، هلمند، سمنگان، غور، بامیان، پکتیا، خوست و فراه ولایتلریده عملگه آشیریلیشینی هم معلوم قیلگن.
شونینگدېک اوشبو لایحه، افغانستانده ساغلیق خذمتلری ترقهتیلیشی کوچهیشی مقصدیده قرهتیلگنی هم قید اېتیلگن طالبان ساغلیق سقلش وزیرلیگی بیاناتیده.
ایتیش کېرهک که اخیرگی ییللر دوامیده، افغانستان اوچون بۉلگن خلقارا همجمعیت اینیقسه امریکا یاردملری آزهیشی ساغلیق تیزیمینی جدی باسیملر بیلن یوز مه یوز قیلگن.
