امریکا و اسرایلنینگ ایرانگه قرشی اوروشی بېشینچی کونیگه کیرر اېکن، هرانا خبر آژانسی اوروشده حاضرگه قدَر اېراننینگ بیر مینگ ۹۷ وطنداشی هلاک بۉلگن و بېش مینگ ۴۰۲ فقراسی اېسه یرهلنگن دیگن.
اوشبو خبرگزارلیک، امریکاده جایلشگن ایران انسان حقوقلری فعاللری گروهیگه تېگیشلی بۉلیب، بوگون چهارشنبه، ۱۳ حوت بېرگن خبرده، هلاک بۉلگنلر آرهسیده۱۰ یاشدن کیچیک۱۸۱ نفر باله و جراحت آلگنلر آرهسیده۱۰۰ نفر باله بارلیگینی معلوم قیلگن.
هرنا شونینگدېک، ینه۸۸۰ ته اۉلیم حالتینی قبول قیلگنینی و اولرنی تېکشیریش همده تصنیفلش جریانیده اېکنلیگینی بیلدیرگن.
اوشبو خبرآژانسی سۉنگگی۲۴ ساعت ایچیده اېراننینگ۱۹ ولایتیده کمیده۱۰۴ ته هجوم بۉلیب اۉتگنینی و بو نینگ نتیجهسیده ۳۱ نفر هلاک بۉلگنی یاکه جراحت آلگنینی خبر قیلگن.
هرنا معلوماتلرنی ایران ایچیدهگی ایشانچلی همکارلر ترماغی آرقهلی تۉپلهگنینی بیلدیرگن.
خبرده ایتیلیشیچه، بو رقملر میداندهگی گزارشلر، محلي منبعلر بیلن علاقهلر، طبي و فوق العاده منبعلر، فقرالیک جمعیتی ترماقلری و جماعت اوچون موجود منبعلر، شو جملهدن صورتلر، ویدیولر و رسمي بیاناتلردن آلینگن. هر بیر واقعه نشر قیلینیشدن آلدین ایچکی تېکشیروو جریانیدن اۉتهدی.
امریکا و ایسرایل اېرانگه قرشی اوروشنی (شنبه،۱۰ حوت) باشلهگن.
اوشبو هجوملرنینگ بیرینچی تۉلقینی دوامیده علی خامنهای و اېراننینگ بیر نېچه یوقاری لوازملی رسميلری، جملهدن مدافعه وزیری و سپاه پاسدران قوماندانی هلاک بۉلگن.
ایران قیزیل خاچ حاضرگه قدَر ۷۸۷ دن آرتیق هلاک بۉلگنلرنی تصدیقلهگن، اما فقرالر و حربيلر نینگ انیق سانینی کۉرسهتمهگن.
